Malaika Arora અને Arbaz વચ્ચે ફરી થઈ ગયું પેચઅપ? જાણો Arjun ને એકલો મુકીને કેમ ગઈ છૈયાછૈયા ગર્લ

નવી દિલ્લીઃ મલાઈકા અરોરા તેના પુત્રને ખૂબ પ્રેમ કરે છે અને જો તેનો પુત્ર અહીંયા હોય તો તે ઘણીવાર તેની માતા સાથે હોય છે. મલાઈકા અને અરહાન ખાન વચ્ચેનું બોન્ડિંગ પણ ખૂબ જ મજબૂત છે અને બંને એકબીજાને ઘણું સન્માન પણ આપે છે. હાલમાં જ મલાઈકા અરોરાનો એક વીડિયો સામે આવ્યો છે, જેમાં તે તેના પૂર્વ પતિ એટલે કે અરબાઝ ખાન અને પુત્ર અરહાન સાથે ઉભી છે. 

અરબાઝ- મલાઈકા પુત્રના કારણે સાથે આવ્યા હતા-
અરબાઝ ખાન અને મલાઈકા અરોરા તેના પુત્ર અરહાન ખાનનો એક વીડિયો સામે આવ્યો છે. આ વીડિયોમાં બંને પોતાના પુત્ર પર પ્રેમ વરસાવતા જોવા મળે છે. એવું લાગે છે કે બંને તેમના પુત્ર અરહાનના કારણે સાથે આવ્યા છે. તમને જણાવી દઈએ કે, અરહાન વિદેશમાં પોતાનો અભ્યાસ કરી રહ્યો છે અને આ દિવસોમાં તે વેકેશન પર મુંબઈ આવ્યો હતો અને હવે તેનો વીડિયો જોઈને લાગે છે કે હવે તે તેના અભ્યાસ માટે પાછો વિદેશ જઈ રહ્યો છે.

19 વર્ષના લગ્ન તૂટ્યા-
મલાઈકા અરોરા અને અરબાઝ ખાને 1998માં એરેન્જ્ડ મેરેજ કર્યા હતા.  બંનેએ એકબીજાને સારી રીતે જાણ્યા બાદ લગ્ન કરવાનો નિર્ણય લીધો હતો. 5 વર્ષ સુધી ડેટ કર્યા બાદ મલાઈકા અને અરબાઝે એકબીજાને કાયમ સાથે રહેવાનું વચન આપ્યું હતું. લગ્ન પછી બંને 19 વર્ષ સુધી સાથે રહ્યા પરંતુ પછી તેમના સંબંધો પળવારમાં તૂટી ગયા. 2017માં છૂટાછેડા થયા અને 2018માં સમાચાર આવવા લાગ્યા કે મલાઈકા અને અર્જન કપૂર રિલેશનશિપમાં છે. શરૂઆતમાં તેણે આ સંબંધને છુપાવવાની ઘણી કોશિશ કરી પરંતુ કંઈ છુપુ રહ્યું નહીં.. એવું કહેવાય છે કે તેમના પ્રેમની શરૂઆત 2017માં જ થઈ હતી. એટલે કે અરબાઝ સાથેના સંબંધોનો અંત આવતા જ મલાઈકાના જીવનમાં અર્જુન આવી ગયો હતો.