બોમન ઈરાનીના માતાનું નિધન, અભિનેતાએ ઇમોશનલ પોસ્ટ લખી આપી જાણકારી

મુંબઈઃ બોલીવુડ અભિનેતા બોમન ઈરાનીના માતાનું નિધન  (Boman Irani Mother Passes Away) થયું છે. અભિનેતાએ આ વાતની જાણકારી સોશિયલ મીડિયા પોસ્ટ દ્વારા આપી છે. તેમણે જણાવ્યું કે, તેમના 94 વર્ષીય માતાએ નીંદરમાં જ આ દુનિયાને અલવિદા કહી દીધું. 

બોમને માતાની તસવીર શેર કરતા ઇન્સ્ટાગ્રામ પર લખ્યુ- માં ઈરાનીએ નીંદરમાં આ દુનિયાને શાંતિથી અલવિદા કહી દીધું. તેઓ 94 વર્ષના હતા, તેમણે 32 ઉંમરથી જ મારા માટે માં અને પિતા, બન્નેની ભૂમિકા નિભાવી હતી. 

ભોજન અને ગીત હતા પસંદ
બોમને આગળ લખ્યુ- જ્યારે તેઓ મને ફિલ્મો માટે મોકલતા હતા તો હંમેશા તે વાતનું ધ્યાન રાખતા હતા કે કમ્પાઉન્ડ કિડ્સ મારી સાથે રહે. તે હંમેશા કહેતા હતા કે પોપકોર્ન ન ભૂલતો. તેને પોતાનું ભોજન અને ગીત પસંદ હતા. તેની સાથે તે ઝડપથી વિકીપીડિયા અને આઈએમડીબી પર તત્કાલ ફેક્ટ ચેક કરતા રહેતા હતા.