Box Office પર ઉરીએ જીત્યું દેશનું દિલ, મારી 100 કરોડ ક્લબમાં એન્ટ્રી

નવી દિલ્હી : આ વર્ષની શરૂઆત ધમાકેદાર ફિલ્મ ઉરીથી થઈ અને આ ફિલ્મે બોક્સ ઓફિસ પર બધાનું દિલ જીતી લીધું. 2016માં થયેલી સર્જિકલ સ્ટ્રાઇક પર બનેલી આ ફિલ્મમાં વિક્કી કૌશલ તેમજ મોહિત રૈના લીડ રોલમાં જોવા મળ્યા છે. આ ફિલ્મે 10 દિવસની અંદર બોક્સ ઓફિસ પર 100 કરોડ રૂપિયાની ક્લબમાં એન્ટ્રી લઈ લીધી છે. આ ફિલ્મે પહેલા દિવસથી બોક્સ ઓફિસ પર પોતાનો સિક્કો જમાવી રાખ્યો છે. આ ફિલ્મ દેશભક્તિના જોશથી ભરાયેલી છે. 

ટ્રેડ એનાલિસ્ટ તરણ આદર્શે પોતાના ટ્વિટર એકાઉન્ડ પર ફિલ્મના આંકડા શેયર કરીને મીડિયમ બજેટ ફિલ્મોની 100 કરોડ ક્લબમાં એન્ટ્રીનો ચાર્ટ શેયર કર્યો છે. 

આ ફિલ્મે રિલીઝના પહેલા દિવસે જ બોક્સ ઓફિસ પર સારી એવી કમાણી કરી લીધી છે. આ ફિલ્મે પહેલા દિવસે જ 8.20 કરોડ રૂપિયાની ઓપનિંગ કરી છે. ફિલ્મે શનિવારે 12.43 કરોડ રૂપિયા, રવિવારે 15.10 કરોડ રૂપિયા, સોમવારે 10.51 કરોડ રૂપિયા તેમજ મંગળવારે 9.57 કરોડ રૂપિયાનો બિઝનેસ કર્યો છે. આ ફિલ્મે ઓપનિંગ પછી સતત કમાણીમાં વધારો કર્યો છે.