સુશાંત સિંહ રાજપૂત માટે યૂકેમાં યોજાઇ કાર રેલી, શ્વેતાએ શેર કર્યો વીડિયો
સુશાંત સિંહ રાજપૂત માટે ન્યાયની માગને લઈને ફેન્સે યૂકેમાં એક કાર રેલીનું આયોજન કર્યું હતું. આ રેલીના વીડિયો સુશાંતની બહેન શ્વેતા સિંહ કીર્તિએ શેર કર્યાં છે.
નવી દિલ્હીઃ સુશાંત સિંહ રાજપૂતની બહેન શ્વેતા સિંહ કીર્તિ પોતાના ભાઈને ન્યાય અપાવવા માટે સતત સોશિયલ મીડિયા પર એક્ટિવ છે. તે દરરોજ સુશાંત સાથે જોડાયેલી તસવીરો અને વીડિયો શેર કરે છે. માત્ર ભારત જ નહીં પરંતુ દુનિયાભરમાં સુશાંતના ફેન્સ ન્યાયની માગ કરી રહ્યાં છે. હાલમાં સુશાંતના ફેન્સે યૂકેમાં કાર રેલીનું આયોજન કર્યું અને તેના વીડિયો શ્વેતાએ સોશિયલ મીડિયા પર શેર કર્યાં છે.
યૂકેની કાર રેલીનો વીડિયો શેર કરતા શ્વેતાએ લખ્યું, 'યૂકેની કાર રેલી SSR વોરિયર્સ વચ્ચે એકતા દેખાડે છે. અમને સીબીઆઈ પર વિશ્વાસ છે અને અમારી તપાસ એજન્સીઓ દ્વારા સત્ય સામે લાવવાની રાહ જોઈ રહ્યાં છીએ.' મહત્વનું છે કે શ્વેતા સતત સીબીઆઈ તપાસની માગ કરતી રહી છે અને હવે સીબીઆઈના હાથમાં કેસ ગયા બાદ તે એજન્સી પર વિશ્વાસ વ્યક્ત કરી રહી છે.
Zee News App ડાઉનલોડ કરો, અમારી સાથે જોડાઓ : facebook | twitter | youtube