ડિમ્પલ કાપડિયાના માતા બેટ્ટીનું 80 વર્ષની વયે નિધન

નવી દિલ્હી : બોલિવૂડના દિગ્ગજ અભિનેત્રી ડિમ્પલ કાપડિયા (Dimple Kapadia)ના માતા બેટ્ટી કાપડિયા (Betty Kapadia)નું શનિવારે મુંબઈની હિન્દુજા હોસ્પિટલમાં 80 વર્ષની વયે નિધન થઈ ગયું છે. પરિવારની નજીકની એક વ્યક્તિએ તેમના મૃત્યુની પુષ્ટિ કરી છે. બેટ્ટીને શ્વાસ લેવામાં મુશ્કેલી થઈ રહી હતી અને આ તકલીફને કારણે તેમને 20 દિવસથી હોસ્પિટલમાં દાખલ કરવામાં આવ્યા હતા. 

થોડા દિવસ પહેલા બેટ્ટી અક્ષય કુમાર, ટ્વિન્કલ ખન્ના અને પ્રદોહિત્રી નિતારા સાથે જોવા મળ્યા હતા.થોડા દિવસ પહેલા જ બેટ્ટીએ પરિવાર અને મિત્રો સાથે લોનાવાલામાં 80મો જન્મદિવસ મનાવ્યો હતો. તેમના જન્મદિવસની તસવીરો ટ્વિન્કલ ખન્નાએ સોશિયલ મીડિયા પર શેર કરી હતી અને આ તસવીરમાં બેટ્ટીને અક્ષય કુમાર સાથે જોઈ શકાય છે.