રણવીર સિંહની સાથે ગોવાથી મુંબઈ પહોંચી દીપિકા પાદુકોણ, શનિવારે NCB કરશે પૂછપરછ
ડ્રગ્સ કેસમાં દીપિકાનું નામ સામે આવ્યું તે ફેન્સ માટે શોકિંગ રહ્યું હતું. દીપિકાની ડ્રગ્સ ચેટ સામે આવી હતી. ક્વાન કંપનીની મેનેજર કરિશ્માની સાથે દીપિકાની ડ્રગ્સ ચેટ સામે આવી હતી.
મુંબઈઃ ડ્રગ્સ મામલામાં સામે આવેલા નામોમાંથી દીપિકા પાદુકોણ સૌથી મોટું નામ છે. તે બોલીવુડની એ-લિસ્ટર અભિનેત્રીમાં સામેલ છે. ડ્રગ્સ કેસમાં દીપિકા પાદુકોણની 26 સપ્ટેમ્બરે પૂછપરછ કરવામાં આવશે. દીપિકાએ એનસીબીને સમન્સનો જવાબ આપતા જણાવ્યું કે, તે કાલ એટલે કે શુક્રવારે એનસીબી ઓફિસ જશે નહીં. તે શનિવારે ઓફિસ પહોંચશે.
દીપિકા પાદુકોણ ગોવાથી મુંબઈ પહોંચી ગઈ છે. દીપિકાની સાથે તેનો પતિ રણવીર સિંહ પણ છે. એરપોર્ટ પર જડબેસલાક સુરક્ષા છે, તો તેના ઘર પર પણ સુરક્ષા વધારી દેવામાં આવી છે.
બોલીવુડ પર તમામ સમાચારો જાણવા માટે કરો ક્લિક...
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube