ખટ્ટા મીઠા અને બાતો બાતો મેં જેવી યાદગાર ફિલ્મોના નિર્માતા Basu Chatterjee નું નિધન

નવી દિલ્હી :  'छोटी सी बात' અને 'रजनीगन्धा' જેવી ફિલ્મો માટે જાણીતા અનુભવી ફિલ્મ નિર્માતા બાસુ ચેટર્જીનું વિવિધ બિમારીઓનાં કારણે ગુરૂવારે (4 જૂન) 93 વર્ષની વયે નિધન થઇ ગયું હતું. બાસુએ સાંત્તાક્રૂઝ ખાતેનાં પોતાના ઘરે જ અંતિમ શ્વાસ લીધા હતા. 

ઇન્ડિયન ફિલ્મ એન્ડ ટેલીવિઝન ડાયરેક્ટર્સ એસોસિએશન (IFDTA) અધ્યક્ષ અશોક પંડિતે પીટીઆઇ ભાષાને જણાવ્યું કે, તેમણે સવારે ઉંઘમાં જ શાંતિથી અંતિમ શ્વાસ લીધા હતા. તેઓ ઉંમર સંબંધિત સમસ્યાઓના કારણે ગત્ત ઘણા સમયથી બિમાર હતા. તેમના ઘરે જ તેમનું નિધન થયું હતું. આ ફિલ્મ ઉદ્યોગ માટે એક મોટી ક્ષતી છે. 

પંડિતે જણાવ્યું કે, ફિલ્મ નિર્માતાના અંતિમ સંસ્કાર સાંત્રાકુઝ ખાતેનાં સ્મશાન ઘાટ ખાતે કરવામાં આવશે. બાસુને  'उस पार', 'चितचोर', 'पिया का घर', 'खट्टा मीठा' અને 'बातों बातों में' જેવી ફિલ્મો માટે આજે પણ લોકો યાદ કરે છે.અત્રે ઉલ્લેખનીય છે કે, આ વર્ષ બોલિવુડ ઇન્ડસ્ટ્રી માટે ખુબ જ ઘાતક રહ્યું છે.