ભાઈજાનની આ નવી હિરોઇનની દાદી હતી બોલિવૂડની ટોચની ખૂબસુરત અને ટેલેન્ટેડ એક્ટ્રેસ

મુંબઈ : બોલિવૂડનો સુપરસ્ટાર સલમાન ખાન અનેક નવા સ્ટાર્સને લોન્ચ કરે છે. સલમાન દ્વારા લોન્ચ કરાયેલા સ્ટાર્સમાં સોનાક્ષી સિંહા, સ્નેહા ઉલ્લાલ, સૂરજ પંચોલી, અથિયા શેટ્ટી અને ડેઇઝી શાહનો સમાવેશ થાય છે. હવે આ યાદીમાં ઝહીર ઇકબાલ અને પ્રનૂતનનું નામ જોડાઈ ગયું છે. આ બંને કલાકાર સલમાનના બેનર હેઠળ બની રહેલી ફિલ્મ 'નોટબુક'થી બોલિવૂડમાં એન્ટ્રી લઈ રહ્યા છે. સલમાને હાલમાં આ ફિલ્મનું પોસ્ટ રિલીઝ કર્યું છે. નીતિન કક્કડે ડિરેક્ટ કરેલી આ ફિલ્મનું ટ્રેલર 17 ફેબ્રુઆરીના દિવસે રિલીઝ થશે. 

ફિલ્મનો હીરો ઝહીર ઇકબાલ તો ફિલ્મ રિલીઝ થયા એ પહેલાં જ ચર્ચામાં છે. હાલમાં તેણે પોતાની બર્થ-ડે પાર્ટીમાં અનેક સેલિબ્રિટીઓને આમંત્રણ આપ્યું હતું અને આ પાર્ટીમાં સોનાક્ષી સિંહા સાથેની તેની કેમિસ્ટ્રી ચર્ચાનો મુદ્દો બની છે. આ પાર્ટી પછી ઝહીર અને સોનાક્ષી વચ્ચે અફેર હોવાની ચર્ચા પણ ચાલી છે.