રિલીઝ થયું `અર્જુન પટિયાલા`નું પહેલું ગીત, જોઈને પડી જશે જલસો

નવી દિલ્હી : બોલિવૂડમાં કોમેડીનો ટ્રેન્ડ સદાબહાર રહે છે. હાલમાં જ ફિલ્મ અર્જુન પટિયાલાનું ટ્રેલર રિલીઝ થયું છે જે વાઇરલ બની ગયું છે. આ ફિલ્મમાં દિલજીત દોસાંજ, કૃતિ સેનન અને વરૂણ શર્મા કામ કરી રહ્યા છે. આ ફિલ્મનું પહેલું ગીત 'મૈં દીવાના તેરા' રિલીઝ થયું છે. આ ગીત પંજાબી સિંગર ગુરુ રંધાવાએ ગાયું છે અને એમાં દિલજીત દોસાંજ અને કૃતિ સેનની કેમિસ્ટ્રી જોવાલાયક છે. 

કૃતિ અને દિલજીત પહેલીવાર સાથે કામ કરી રહ્યાં છે. દિલજીત અગાઉ ‘ઉડતા પંજાબ’ અને ‘ફિલ્લૌરી’જેવી હિન્દી ફિલ્મોમાં દેખાઈ ચૂક્યો છે. આ ફિલ્મ બાદ તે અક્ષય કુમાર અને કરીના કપૂર ખાનની ‘ગૂડ ન્યૂઝ’માં દેખાશે. પટિયાલા હાઉસ હવે  26 જુલાઈએ રિલીઝ થવાની છે. ફિલ્મ નિર્માતા દિનેશ વિજાને એક નિવેદનના માધ્યમથી તેની જાહેરાત કરી કે, તેણે ફિલ્મોના પાકિસ્તાન વિતરક સાથે કરાર રદ્દ કરી દીધો છે અને હવે તેનું બેનર મૈડોક ફિલ્મ્સ લુકા છુપી, અર્જુન પટિયાલા અને મેડ ઇન ચાઇનાને પાકિસ્તાનમાં રિલીઝ થશે નહીં.