નવી દિલ્હીઃ વર્ષ 2019ની શરૂઆતથી જ અભિનેતા રણવીર સિંહ ચર્ચામાં છે. રણવીર સિંહની ફિલ્મ સિંબા બોક્સ ઓફિસ પર શાનદાર કમાણી કરી રહી છે, સિંબા 2018ની ત્રીજી હાયર ગ્રોસર ફિલ્મ બની ગઈ છે. ફિલ્મએ બે સપ્તાહમાં 190 કરોડની કમાણી કરી લીધી છે. આ સાથે 2018ની ટોપ-4 ગ્રોસર ફિલ્મોની લિસ્ટમાં રણવીર સિંહની બે ફિલ્મો સામેલ થઈ છે. આ લિસ્ટમાં બોલીવુડના ત્રણ ખાન પોતાની જગ્યા બનાવવામાં નિષ્ફળ રહ્યાં છે. 


ટ્રેડ એનાલિસ્ટ રમેશ બાલાએ વર્ષ 2018ની ટોપ ગ્રોસર ફિલ્મોની યાદી પોતાના ટ્વીટર એકાઉન્ટ પર શેર કરી છે જેમાં રણવીર કપૂરની ફિલ્મ સંજૂ ટોપ પર, સંજય લિલા ભલસાણીના દિગ્દર્શન હેઠળ બનેલી પદ્માવત બીજા સ્થાને, રણવીર સિંહની સિંબા ત્રીજા સ્થાને અને રજનીકાંતની સુપરહિટ ફિલ્મ 2.0એ ચોથા સ્થાને કબજો કર્યો છે. 


વાંચો બોલીવુડના અન્ય સમાચારો