Khune Thi Khune Thi: ફિલ્મ ‘ઓમ મંગલમ્ સિંગલમ્’નું ગીત ‘ખૂણે થી ખૂણે થી’ રિલીઝ થતાની સાથે જ સોશિયલ મીડિયા પર ખુબ વાયરલ થઈ રહ્યું છે. લોકો આ સોંગની લિંક પોતાના પ્રિય પાત્રને શેર કરી રહ્યાં છે. પ્રેમીપંખિડાઓમાં આ ગીત ખુબ જ લોકપ્રિય બની ગયું છે. લવ અને ઈમોશનનું ગજબનું મિશ્રણ આ ગીતમાં જોવા મળે છે. આરોહી પટેલ અને મલ્હાર ઠાકરે આ ગીતને ચાર ચાંદ લગાવી દીધાં છે.
 




હવે આ ફિલ્મનું ગીત ‘ખૂણે થી ખૂણે થી’ નું વીડિયો સોન્ગ રિલીઝ કરવામાં આવ્યું છે. આ ગીત ઈશાની દવે, આમિર મીર અને દિવ્યા કુમારે ગાયું છે. જ્યારે તેની લિરિક્સ નિરેન ભટ્ટે લખી છે. આ ગીતનું સંગીત સચિન-જીગરે આપ્યું છે. વર્ષ 2017માં રિલીઝ થયેલી ફિલ્મ ‘લવની ભવાઈ’માં પણ આરોહી પટેલ અને મલ્હાર ઠાકરની જોડી દર્શકોને ખૂબ પસંદ આવી હતી.