હેમા માલિની અને જાવેદ અખ્તરે સ્વાસ્થ્યકર્મીઓ પર હુમલાને ગણાવી શરમજનક ઘટના, વ્યક્ત કર્યું દુખ

નવી દિલ્હીઃ આ દિવસોમાં કોરોના વાયરસ (Coronavirus) સંકટ દરમિયાન દેશભરમાં ઉથલ-પાથલનો માહોલ છે. જ્યાં હેલ્થ વર્કરો વોરિયર બનીને બીમારી સામે લડી રહ્યાં છે તો એવી ઘટનાઓ પણ સામે આવી રહી છે જ્યાં આ વર્કરોનો વિરોધ થઈ રહ્યો છે. તેમના પર હુમલા કરવામાં આવી રહ્યાં છે. હાલમાં ઉત્તર પ્રદેશના મુરાદાબાદથી આવા સમાચાર સાંભળીને હેમા માલિની (Hema Malini) અને ગીતકાર જાવેદ અખ્તર  (Javed Akhtar)એ કડક શબ્દોમાં ટીકા કરી છે. 

મથુરાથી ભાજપ સાંસદ હેમા માલિની અને ગીતકાર જાવેદ અખ્તરે ઉત્તરપ્રદેશના મુરાદાબાદમાં ડોક્ટરો અને અન્ય સ્વાસ્થ્યકર્મીઓ પર હુમલો કરનાર લોકોની શનિવારે ટીકા કરતા તેને શરમજનક ઘટના ગણાવી છે.