Ganesh Chaturthi 2019: અનિલ કપૂરથી દિયા મિર્ઝા સુધી સ્ટાર્સે આ રીતે આપી ગણેશ ચતુર્થીની શુભેચ્છા

નવી દિલ્હીઃ આજે દેશભરમાં આનંદ ઉલ્લાસ સાથે ગણેશ ચતુર્થીનો તહેવાર ઉજવવામાં આવી રહ્યો છે. તેવામાં ફિલ્મી સિતારા કેમ પાછળ રહી શકે છે. આ તહેવાર પર ફિલ્મ ક્ષેત્રના દિગ્ગજોએ દેશવાસિઓને શુભેચ્છા આપી છે. અનિલ કપૂર, દિયા મિર્ઝા, મલાઇકા અરોડા સહિત ઘણા સ્ટાર્સે પોતાના ટ્વીટર એકાઉન્ટ પર ટ્વીટ કરીને ફેન્સને શુભેચ્છા આપી છે. 

અનિલ કપૂરે ગણેશ જી માટે મંત્ર લખતા શુભેચ્છા આપી છે. અભિનેતાએ લખ્યું, વક્રતુંડ મહાકાય સૂર્યકોટિ સમપ્રભ, નિર્વિધ્નં કુરૂ મે દેવ સર્વાકાર્યેષુ સર્વદા, ભગવાન ગણેશ તમને સારૂ સ્વાસ્થ્ય, ખુશી અને સફળતા આપે. 

મલાઇકા અરોડાએ પોતાના ઇન્સ્ટાગ્રામ એકાઉન્ટ પર ભગવાન ગણેશનો ફોટો શેર કર્યો છે. ફોટોની સાથે મલાઇકાએ લખ્યું છે ગણપતિ બાપ્પા મોરયા. #GaneshChaturthi!

બોલીવુડ અભિનેત્રી કંગના રનૌતે પોતાના ઇન્સ્ટાગ્રામ પર ગણેશ જીની સાથે એક તસવીર શેર કરતા ફેન્સને શુભેચ્છા આપી છે.