જયા બચ્ચને ઇશારાઇશારામાં પીએમ વિશે કહી એલફેલ વાત અને પછી..

નવી દિલ્હી : બોલિવૂડની સિનિયર એક્ટર અને સપા સાંસદ જયા બચ્ચન  ટ્રોલિંગનો ભોગ બની છે અને સેલિબ્રિટીઓ પણ તેને ટ્રોલ કરી રહી છે. જયા બચ્ચને પોતાની રેલીમાં નિવેદન આપતા કહ્યું હતું કે ચોકીદારની જવાબદારી બહુ જરૂરી અને મહત્વની છે. જોકે હાલમાં દેશમાં જે સ્થિતિ છે એ જોઈને લાગે છે કે ચોકીદાર જ ગડબડ કરી રહ્યો છે. જયાએ પોતાની સ્પિચમાં કોઈનું નામ નહોતું આપ્યું પણ તેનો ઇશારો નરેન્દ્ર મોદી તરફ હતો. તેના આ ભાષણ પછી તેને ટ્રોલ કરવામાં આવી રહી છે. 

ભાજપના નેતા અશોક પંડિતે કહ્યું છે કે જયાજી તમામ સુખસુવિધાઓમાં રહેવા છતાં તમને દેશની સ્થિતિ ગડબડવાળી લાગી રહી છે! જે દેશ તમને અને તમારા પરિવારને આટલું બધું આપ્યું છે તેને તમે કેમ ગાળ આપી રહ્યા છો ? ગાડી, બંગલો અને પ્રસિદ્ધિ બધું જ છે તો રાજનીતિના ચક્રવ્યુહમાં પડીને આબરૂ ન ગુમાવવી જોઈએ.