દુર્ગા પંડાલમાં કાજોલે રાની મુખરજીને મારી થપ્પડ, વાયરલ વીડિયોની ચોંકાવનારી હકીકત સામે આવી

rani mukerji kajol durga puja pandal video : બોલિવુડ અભિનેત્રી કાજોલ અનેક વર્ષોથી જુહૂમાં પોતાનો દુર્ગા પૂજાનો પંડાલ લગાવે છે. આ પંડાલમાં દુર્ગાના દર્શન માટે અનેક બોલિવુડ હસ્તીઓ આવતી હોય છે. દુર્ગા પૂજા દરમિયાન અહી નજારો જોવા જેવો હોય છે. આ પંડાલની અનેક તસવીરો અને વીડિયો સોશિયલ મીડિયા પર વાયરલ થતી હોય છે. આવામાં આ દરમિયાન એક વીડિયો સામે આવ્યો છે, જેને જોયા બાદ કાજોલને ટ્રોલ કરવામાં આવી છે. 

કાજોલે સૌની સામે રાની મુખર્જિને થપ્પડ મારી 
કાજોલે દુર્ગા પૂજાના પંડાલમાં માતાના દર્શન માટે પોતાની બહેન તનિષા અને રાની મુખર્જી સાથે પહોંચી હતી. રાની મુખર્જિ દર વર્ષે કાજોલની સાથે દુર્ગા પૂજાના પંડાલમાં હાજરી આપે છે. આ વચ્ચે કાજોલ અને રાની મુખર્જિનો એક વીડિયો સામે આવ્યો છે. આ વીડિયોમાં તમે જોઈ શકો છો કે, કાજોલ રાનીને કંઈક કહે છે, પરંતું કદાચ રાનીનું ધ્યાન કાજોલ તરફ જતુ નથી, અને તે ક્યાંક બીજે ધ્યાન આપે છે. તે કાજોલની વાતને બેધ્યાન કરે છે. જેથી કાજોલ રાની મુખર્જિને થપ્પડ મારે છે.