પટાખા ગર્લ નતાશા કોણ છે, જેના પર ક્રિકેટર હાર્દિક પંડ્યા થયો લટ્ટુ અને કરી રાતોરાત સગાઈ

અમદાવાદ :ટીમ ઈન્ડિયાના સ્ટાર ઓલરાઉન્ડર હાર્દિક પંડ્યા (Hardik Pandya) એ સર્બિયાઈ મોડલ અને એક્ટ્રેસ નતાશા સ્ટેકોવિચ (Natasa Stankovic) ની સાથે સગાઈ કરી લીધી છે. હાર્દિકે બુધવારે એક ઈન્સ્ટાગ્રામ પોસ્ટના માધ્યમથી ફોટો શેર કરતા આ માહિતી આપી છે. આ પોસ્ટ બાદ સોશિયલ મીડિયા પર અઢળક વિશીશ હાર્દિકને મળી રહી છે. પરંતુ હાલ લોકોને એ જાણવામાં રસ છે કે, આખરે આ પટાખા ગર્લ નતાશા કોણ છે અને શું કરે છે. જેના પર આ સ્ટાર ક્રિકેટરનું દિલ આવી ગયું છે. 

સ્ટાર ક્રિકેટર હાર્દિક પંડ્યાએ 2019ના અંતિમ દિવસે ઈન્સ્ટાગ્રામમાં એક પોસ્ટ કરી છે. તેમાં તે એક્ટ્રેસ નતાશા સ્ટાંકોવિચ સાથે છે. પંડ્યાએ ફોટોની સાથે કેપ્શન લખી છે કે, નવા વર્ષની શરૂઆત આતશબાજીની સાથે... આ ફોટોમાં હાર્દિકે નતાનાનો હાથ પકડ્યો છે. સાથે જ દિલની ઈમોજી પણ બનાવી છે. 

સત્યાગ્રહથી કર્યું હતું બોલિવુડમાં ડેબ્યુ
હકીકતમાં, હાર્દિક પંડ્યાની ગર્લફ્રેન્ડથી હવે મંગેતર બની ચૂકેલી નતાશા સ્ટાંકોવિચ એક સર્બિયન એક્ટ્રેસ, મોડલ અને ડાન્સર છે. ફેમસ ડાયરેક્ટર પ્રકાશ ઝાની ફિલ્મ સત્યાગ્રહથી નતાશાએ બોલિવુડમાં ડેબ્યુ કર્યું હતું. જોકે, ઈન્ડિયામાં તેણે ‘બિગબોસ’ની 8મી સીઝન અને બાદશાહનું સોન્ગ ‘ડીજેવાલે બાબુ...’થી પોપ્યુલારિટી મળી હતી. 

બિગબોસમાં મળી હતી ઓળખ
તેના બાદ વર્ષ 2014માં નતાશા સ્ટાંકોવિચને ફેમસ બોલિવુડ રેપર બાદશાહના મ્યૂઝિક વીડિયો ‘બંદૂક’માં રોલ મળ્યો હતો. આ વર્ષે તેને વિવાદાસ્પદ ટીવી શો ‘બિગબોસ’ના ઘરમાં એક મહિનો રહેવાનો મોકો મળ્યો હતો. જોકે, નતાશાને બ્લોકબસ્ટર સોન્ગ ‘ડીજેવાલે બાબુ...’થી સૌથી વધુ પોપ્યુલારિટી મળી હતી.

નચ બલિયે...માં પણ આવી ચૂકી છે
ગત વર્ષે આવેલી ફિલ્મ 'The Holiday'માં પણ સર્બિયન એક્ટ્રેસ જોવા મળી હતી. રિલાયિલીટ ડાન્સ શો નચ બલિયેમાં પણ નતાશા પોતાના પાર્ટનર અલી ગોની સાથે ડાન્સ કરતા નજરે આવી હતી. ઉલ્લેખનીય છે કે, નતાશા હાર્દિક પંડ્યા પહેલા અલી ગોની સાથે રિલેશનમાં હતી.