`કુછ કુછ હોતા હૈ`નો નાનકડો સરદાર યાદ છે? વર્ષો પછી અચાનક આવી ગયો ચર્ચામાં

મુંબઈ: વર્ષો પહેલા શાહરૂખ ખાન (Shahrukh Khan)  અને કાજોલ (Kajol) ની ફિલ્મ 'કુછ કુછ હોતા હૈ' (Kuch Kuch Hota Hai)  આવી હતી. ફિલ્મ સુપરહિટ થઈ હતી અને તેમાં એક નાનકડો સરદાર બનેલો બાળકલાકાર તે વખતે ખુબ છવાઈ ગયો હતો. એ નાનકડા સરદારની ભૂમિકા ભજવનાર કલાકારનું નામ છે પરઝાન દસ્તુર. પરઝાન વિશે મોટા સમાચાર આવ્યા છે. પરઝાન આગામી વર્ષે ફેબ્રુઆરીમાં તેની ગર્લફ્રેન્ડ ડેલ્ના શ્રોફ સાથે સાત ફેરા લેવાનો છે. 15 ઓક્ટોબરે પરઝાને ઈન્સ્ટાગ્રામ પર એક થ્રોબેક  પિક્ચર શેર કરીને ડેલ્નાને પ્રપોઝ કર્યું અને ડેલ્નાએ હા પાડી. 

'તુસી જા રહે હો, તુસી ના જાઓ..' આ ડાઈલોગ 'કુછ કુછ હોતા હૈ' ફિલ્મનો ખુબ ફેમસ ડાઈલોગ બની ગયો હતો. જે ફિલ્મમાં પરઝાનના અવાજમાં હતો. તેણે 'હમતુમ' ફિલ્મમાં પણ પોતાનો અવાજ આપ્યો હતો. 

એક ઈન્ટરવ્યુમાં પરઝાને શાહરૂખ ખાન સાથે ફરીથી કામ કરવાની ઈચ્છા વ્યક્ત કરી હતી. તેણે કહ્યું હતું કે એક બાળકલાકાર તરીકે શાહરૂખ ખાન સાથે કામ કરવાનો અનુભવ એકદમ ફેન્ટાસ્ટિક હતો. તે ભવિષ્યમાં પણ તેમની સાથે કામ કરવા મળે તેવી આશા રાખે છે.