Video : જ્યારે બિગ બોસના ઘરમાં જસલીને બધાની સામે અનુપ જલોટાને કરી લીધી કિસ

નવી દિલ્હી : ઈન્ડિયન ટેલિવિઝન ઈન્ડસ્ટ્રીના સૌથી વિવાદાસ્પદ રિયાલિટી ટીવી શો બિગ બોસ પોતાની 12મી સિઝન સાથે આવી ગયો છે. આ વખતે શોમાં કન્ટેસ્ટન્ટ્સ જોડીઓ અને સેલિબ્રિટીઝ તરીકે  ભાગ લઈ રહ્યાં છે. આ બધામાં ભજન સમ્રાટ ગણાતા અનૂપ જલોટા અને તેમની પ્રેમિકા જસલીન મથારુની જોડી પહેલા દિવસથી જ સૌથી વધુ ચર્ચામાં રહી છે.અત્યાર સુધી તમે બિગ બોસના ઘરમાં લવ બર્ડ્સની ચોરી છૂપે કિસ કરતા જોયા કે સાંભળ્યા હશે. પરંતુ આવનારા એપિસોડમાં જસલીન ઘરવાળા લોકોની ઉપસ્થિતિમાં સૌથી સામે પોતાના જોડીદાર ભજન સમ્રાટને કિસ કરતી જોવા મળશે.

બિગ બોસ 12ના નવા પ્રોમોમાં તેની ઝલક જોઈ શકાય છે. જાહેર કરાયેલા પ્રોમોમાં જોઈ શકાય છે કે જસલીન અનુપ પાસે જાય છે અને કહે છે કે તે જે પણ કરશે તેનું તેમણે પાલન કરવું પડશે અને હટવાનું નથી. અનુપ હંમેશાની જેમ જસલીનની વાત માને છે અને જસલીન પહેલા તેમના માથા પર કિસ કરે છે પછી અનુપને ગાલ પર કિસ કરે છે. અનુપ થોડા શરમાય છે અને આ બધુ જોઈને ઘરના સદસ્યો હેરાન રહી જાય છે.