નેહા કક્કડનું બોયફ્રેન્ડ સાથે થયું બ્રેકઅપ, ઇન્સ્ટા પર જાહેર કરી અંગત લાગણી

નવી દિલ્હી : બોલિવૂડની જાણીતી સિંગર નેહા કક્કડ હાલમાં જિંદગીના મુશ્કેલ સમયમાંથી પસાર થઈ રહી છે. તેની હિમાંશ કોહલી સાથેની લવ સ્ટોરીનો હવે અંત આવી ગયો છે. પોતાના બ્રેકઅપના દર્દથી નેહા બહાર નથી નીકળી શકી. હાલમાં જ તે ઈન્ડિયન આઈડલના સેટ પર રડવા લાગી હતી. એક સ્પર્ધકે રોમાન્ટિક લવ સોન્ગ ગાતા અને તે ઈમોશનલ થઈ ગઈ અને સેટ પર જ રડવા લાગી. 13 ડિસેમ્બરથી શોના શૂટિંગ દરમિયાન સેટ પર તેનું હાસ્ય પણ ગાયબ હતું. નેહા ખુશમિજાજી વ્યક્તિ છે અને હંમેશા તેના ચહેરા પર હાસ્ય જોવા મળે છે પરંતુ આ સમય દરમિયાન તે ખૂબ જ ઉદાસ અને ગંભીર જોવા મળી.