Exclusive! વિક્કી કૌશલ હવે પાકિસ્તાનને ચટાડશે ધૂળ, આ તસવીર છે પુરાવો

નવી દિલ્હી : આ વર્ષની શરૂઆતમાં ઉરી : ધ સર્જિકલ સ્ટ્રાઇકથી આખા દેશનું દિલ જીતનાર એક્ટર વિક્કી કૌશલ હવે ફરીથી સૈનિકના રોલમાં દેખાઈ રહ્યો છે અને હવે તેનો ઇરાદો પાકિસ્તાનને ધૂળ ચટાડવાનો છે. હાલમાં વિક્કીએ આ તસવીર ટ્વિટ કરીને પોતાની આગામી ફિલ્મની જાહેરાત કરી છે. આ ફિલ્મમાં તે જાંબાઝ ફિલ્ડ માર્શલ માણેક શોનો રોલ કરવાનો છે. હાલમાં આ ફિલ્મનો ફર્સ્ટ લૂક ઇન્ટરનેટ પર છવાઈ ગયો છે.

ગુલઝારની પુત્રી અને જાણીતી દિગ્દર્શિકા મેઘના ગુલઝારે તેની આગામી ફિલ્મ ‘છપાક’ પછી આ ફિલ્મ બનાવવા માટે રણવીર સિંહનો સંપર્ક સાધ્યો હોવાની ચર્ચા હતી. જોકે આ ફિલ્મ માટે  હવે વિક્કી કૌશલને ફાઇનલ કરવામાં આવ્યો છે. આ ફિલ્મનું નિર્માણ રોની સ્ક્રુવાલા કરવાના છે.