Video : `મણિકર્ણિકા`નું પહેલું ગીત `વિજયી ભવ` થયું રિલીઝ, જોશથી ઉભા થઈ જશે રૂંવાડા

મુંબઈ : ગણતરીના દિવસોમાં કંગના રનૌતની ચર્ચાસ્પદ 'મણિકર્ણિકા' ટૂંક સમયમાં રિલીઝ થવાની છે. હાલમાં આ ફિલ્મનું પહેલું ગીત 'વિજયી ભવ' શાહી અંદાજમાં રિલીઝ કરવામાં આવ્યું હતું. આ લોન્ચિંગ દરમિયાન કંગના રનૌત, પ્રસુન જોશી તેમજ શંકર-અહેસાન-લોય હાજર હતા. આ ગીત દેશભક્તિથી ભરપુર છે અને એ સાંભળીને જોશથી રૂંવાડા ઉભા થઈ જશે. 

આ ગીતમાં કંગના રનૌત એટલે કે રાણી લક્ષ્મીબાઈ આકર્ષણનું કેન્દ્ર છે. તે અંગ્રેજો સામે બહાદુરીપૂર્વક લડતી જોવા મળી રહી છે. આ ગીતમાં અંકિત લોખંડેની હાજરી પણ ધ્યાન ખેંચી રહી છે. ગીતમાં જાણીતા એક્ટર ડેની પણ દેખાય છે. આ ગીતને શંકર મહાદેવને ગાયું છે અને ગીતને ગીતકાર પ્રસુન જોશીએ લખ્યું છે. 

ઐતિહાસિક પૃષ્ઠભૂમિ પર બનેલી મેગા બજેટ ફિલ્મ 'મણિકર્ણિકાઃ ધ ક્વીન ઓફ ઝાંસી' આગામી 25 જાન્યુઆરીના રોજ હિન્દી અને તેલુગુ ભાષામાં એકસાથે રીલિઝ કરવામાં આવનારી છે. આ ફિલ્મમાં અતુલ કુલકર્ણી, જિશુ સેનગુપ્તા, સુરેશ ઓબેરોય, ડેની અને અંકિતા લોખંડે પણ મહત્વની ભૂમિકા ભજવી રહ્યા છે.