Shocking: સાઇના નેહવાલની બાયોપિકમાં મોટો ફેરફાર, શ્રદ્ધાની જગ્યાએ થઈ આ અભિનેત્રીની એન્ટ્રી

નવી દિલ્હીઃ બોલીવુડમાં પોતાની અલગ ઓળખ બનાવનાર અભિનેત્રી શ્રદ્ધા કપૂર આ દિવસોમાં પોતાની ફિલ્મ 'સ્ટ્રીટ ડાન્સર'ને લઈને ચર્ચામાં છે. આ વચ્ચે શ્રદ્ધા માટે એક ખરાબ સમાચાર છે કે તેની પાસેથી સાઇના નેહવાલની બાયોપિક નિકળી ગઈ છે. ડીએનએમાં છપાયેલા એક સમાચાર પ્રમાણે શ્રદ્ધાની જગ્યાએ હવે આ ફિલ્મમાં પરિણીતિ ચોપડાને સાઇન કરવામાં આવી છે. રિપોર્ટ્સ પ્રમાણે શ્રદ્ધા કપૂર બીજા કામમાં વ્યસ્ત હોવાને કારણે પ્રોડક્શન ટીમને પરિણીતિ સાથે કામ કરવાનું વધારે યોગ્ય લાગ્યું છે. 

શ્રદ્ધાએ અમોલ ગુપ્લેના દિગ્દર્શનમાં બની રહેલી આ બાયોપિક ફિલ્મની શૂટિંગ વર્ષ 2018માં સપ્ટેમ્બરમાં શરૂ કરી હતી, પરંતુ ત્યારબાદ ફિલ્મના શૂટિંગમાં મોડુ થઈ રહ્યું હતું. પહેલા શ્રદ્ધા ડેન્ગ્યૂને કારણે બિમાર પડી ગઈ, ત્યારબાદ તે સ્ટ્રીટ ડાન્સરની શૂટિંગમાં વ્યક્ત થઈ ગઈ અને આ વચ્ચે સાહોનું શેડ્યૂલ પણ શરૂ થઈ ગયું. તેવામાં ભૂષણ કુમાર પ્રોડક્શને શ્રદ્ધાને રિપ્લેસ કરીને પરિણીતિ ચોપડાને સાઇન કરી લીધી છે. 

ફિલ્મના પ્રોડ્યૂસર ભૂષણ કુમારે એક ન્યૂઝપેપર સાથે કરેલી વાતચીતમાં કહ્યું કે, અમે સાઇનાને આ વર્ષે પૂરી કરવા ઈચ્છીએ છીએ જેથી તેને વર્ષ 2020માં સિલીઝ કરી શકાય. આ વિશે અમે વાત કરીને પરિણીતિ ચોપડાને સાઇન કરી લીધી છે. સાઇનાએ ઓલમ્પિકમાં જીત મેળવીને તમામ દેશવાસીઓને ગૌરવ અપાવ્યું હતું. 

પરિણીતિ ચોપડાએ ફિલ્મ વિશે વાત કરતા કહ્યું કે, હું હંમેશા સ્પોર્ટ સ્ટોરી પર આધારિત ફિલ્મમાં કામ કરવા ઈચ્છતી હતી. હું આ ફિલ્મ મળવાથી ખુબ ખુશ છું કે મને એક પાવરફુલ યુવતીની ભૂમિકા નિભાવવાની તક મળી રહી છે. હું સાઇનાની ભૂમિકા ભજવવા માટે ખૂબ મહેનત કરીશ જેથી તેની છબીને પડદા પર ઉતારી શકું.