ઇન્ટરનેટ પર 14 લાખ કરતા વધારે લોકોએ જોયો યામીનો સુપરહોટ પોલડાન્સ, તમે જોયો?

નવી દિલ્હી : બોલિવૂડ એક્ટ્રેસ યામી ગૌતમ આજે 30 વર્ષની થઈ ગઈ છે. તેનો જન્મ 28 નવેમ્બર, 1988ના દિવસે હિમાચલ પ્રદેશના બિલાસપુરમાં થયો હતો. તેનું બાળપણ ચંડીગઢમાં પસાર થયું હતું. યામીએ જુલાઈ મહિનામાં પોતાની સોશિયલ મીડિયા સાઇટ ઇન્સ્ટાગ્રામમાં એક વીડિયો શેયર કર્યો હતો જેને 14 લાખ કરતા વધારે લોકોએ જોયો છે. આ વીડિયોમાં યામી જબરદસ્ત પોલ ડાન્સ કરતી જોવા મળી રહી છે. 

એક્ટિંગ પહેલાં યામી કાયદાશાસ્ત્રનો અભ્યાસ કરી રહી હતી. આ સિવાય તે આઇએએસ માટે પણ તૈયારી કરી રહી હતી. જોકે, એક્ટિંગ કરવાની તક મળતા બાકી બધું ભુલાઈ ગયું હતું. આશાસ્પદ એક્ટ્રેસ તરીકે બોલિવૂડમાં એન્ટ્રી લેનારી યામીનું નામ સલમાન ખાનની બહેન શ્વેતાને પરણેલા એક્ટર પુલકિત સમ્રાટ સાથે જોડાતા આખી બાજી બગડી ગઈ હતી. આ વિવાદને કારણે તેની કરિયર પર ગ્રહણ લાગી ગયું હતું. હાલમાં યામી પાસે આદિત્ય ધરની 'ઉરી' છે. આ ફિલ્મમાં તેનો સહકલાકાર વિકી કૌશલ છે. યામીને તેની આ ફિલ્મ પાસેથી બહુ આશા છે.