હિન્દી ફિલ્મો એટલે બુબ્સ અને હિપ્સ...હિરોઇને કર્યો ધડાકો

મુંબઈ : બોલિવૂડ એક્ટ્રેસ પ્રિયંકા ચોપડા 'ક્વોન્ટિકો'ની અસરમાંથી હજી સંપૂર્ણપણે બહાર નથી આવી અને એ ફરીથી વિવાદમાં ફસાઈ ગઈ છે. જોકે હાલમાં પ્રિયંકાએ મીડિયા સાથે વાતચીત કરતી વખતે બોલિવૂડ વિશે અણછાજતી ટિપ્પણી કરી છે જેને લોકોએ શરમજનક ગણાવી છે. હાલમાં આ વીડિયો સોશિયલ મીડિયા પર વાઇરલ થઈ રહ્યો છે. વીડિયોમાં એક જર્નાલિસ્ટને પ્રિયંકા કહે છે કે, 'ઇ્ન્ડિયન ફિલ્મ્સ ઇઝ ઓલ અબાઉટ હિપ્સ એન્ડ બુબ્સ'. પ્રિયંકાના આ નિવેદન પછી લોકોએ તેને ટ્રોલ કરવાનું શરૂ કરી દીધું છે. 

પ્રિયંકા ચોપરા પોતાના હોલિવૂડ શો ક્વાન્ટિકોની સીઝન 3ના એક એપિસોડને લઈને સોશિયલ મીડિયા પર ખુબ ટ્રોલ થઈ રહી છે. શોના એક એપિસોડમાં ભારતીય રાષ્ટ્રવાદીઓને આતંકી ગણાવવામાં આવ્યાં હતાં અને ત્યારબાદથી પ્રિયંકાએ સતત સોશિયલ મીડિયા પર આલોચનાઓનો સામનો કરવો પડી રહ્યો છે. જો કે હવે ક્વાન્ટિકોના નિર્માતાઓએ માફી માંગી લીધી છે. એબીસી નેટવર્કે આ માફી ક્વાન્ટિકોના એ એપિસોડ બદલ માંગી જેમાં આતંકી હુમલા પાછળ ભારતીય રાષ્ટ્રવાદીઓનો હાથ હોવાની વાત કરવામાં આવી હતી.