Video : કપિલના શોમાં સલમાન અને રણવીરનું હસીહસીને દુખી ગયું પેટ કારણ કે...

નવી દિલ્હી :  કોમેડીનો કિંગ કપિલ શર્મા લોકો વચ્ચે પોતાની જગ્યા બનાવવા માટે હાજર છે. કપિલ પોતાના શો 'ધ કપિલ શર્મા'ની બીજી સિઝન લઈને આવી રહ્યો છે. આ સિઝનનો પ્રોમો સોની ટીવીએ રિલીઝ કર્યો છે. 20 સેકંડના આ વીડિયોમાં સલમાન ખાન અને રણવીર સિંહ જોરજોરથી હસતા દેખાઈ રહ્યા છે.

સોનીના ઓફિશિયલ ટ્વિટર એકાઉન્ટ પરથી પોસ્ટ કરવામાં આવેલા આ પ્રોમો સાથે એક કેપ્શન આપવામાં આવ્યું છે ; આખા ભારતને હસાવવા આવી રહ્યો છે #thekapilsharmashow. આ વીડિયોમાં સલમાન અને રણવીર સિવાય સોહેલ ખાન, સલીમ ખાન અને 'સિમ્બા'ની ટીમ દેખાઈ રહી છે. કપિલનો આ શો વીકએન્ડમાં ઓન એર થઈ શકે છે. 

કપિલ શર્માએ હાલમાં 12-13 ડિસેમ્બરે પોતાની ફિયાન્સે ગિન્ની ચતરથ સાથે લગ્ન કરી લીધા છે. આ બંને છેલ્લા અનેક વર્ષોથી એકબીજાને ઓળખતા હતા. કપિલ શર્માના પ્રોડક્શન હાઉસે આ લગ્ન યુ ટ્યૂબ પર લાઇવ કર્યા હતા જેને હજારો લોકોએ જોયા છે. જાલંધરમાં લગ્ન કર્યા પછી કપિલે પોતાના હોમ ટાઉન અમૃતસરમાં રિસેપ્શન પાર્ટીનું આયોજન કર્યું હતું.