BOX OFFICEનો `સિકંદર` બન્યો સલમાન, ત્રણ દિવસમાં `રેસ 3`ની 100 કરોડની ક્લબમાં એન્ટ્રી

નવી દિલ્હી : બોલિવૂડ એક્ટર સલમાન ખાનની ફિલ્મ 'રેસ 3' ઇદ પર રિલીઝ થઈ છે અને ફિલ્મને પહેલા દિવસથી બોક્સઓફિસ પર જબરદસ્ત રિસ્પોન્સ મળી રહ્યો છે. આ ફિલ્મે ત્રણ જ દિવસમાં 100 કરોડ રૂ.ની કમાણી કરી છે.  આ ફિલ્મને બહુ સારા રિવ્યુ નથી મળ્યા પણ આમ છતાં દર્શકો મોટી સંખ્યામાં આ ફિલ્મ જોવા માટે ઉમટી રહ્યા છે જેના કારણે આ ફિલ્મે માત્ર 3 દિવસમાં 100 કરોડ રૂ.નો બિઝનેસ કરી લીધો છે. 

રેસ ફ્રેન્ચાઈઝીની પહેલી 2 ફિલ્મોમાં સેફ અલી ખાન લીડ રોલમાં હતો પરંતુ રેસ 3માં પહેલીવાર સલમાન ખાનનો અંદાઝ દર્શકોને જોવા મળ્યો છે. આ ફિલ્મ સીરિઝ પોતાની સસ્પેન્સવાળી વાર્તા માટે જાણીતી છે. પરંતુ રેસ 3ની વાર્તા તેની સરમામણીમાં ખુબ ઠંડી ગણવામાં આવી રહી છે. ટ્રેડ એનાલિસ્ટ તરણ આદર્શના જણાવ્યાં મુજબ ફિલ્મે પહેલા દિવસે ભારતમાં 29.17 કરોડની કમાણી કરી છે. સલમાન ખાન ફિલ્મ્સ અને રમેશ તોરાની દ્વારા નિર્મિત આ ફિલ્મને ટિપ્સ ફિલ્મના બેનર હેઠળ બનાવવામાં આવી છે. આ ફિલ્મ દ્વારા એક્ટર બોબી દેઓલ ફરી એકવાર પોતાના સ્ટાઈલિશ લૂકમાં જોવા મળી રહ્યો છે.