`તારક મેહતા..`નો ટપ્પૂ શોને કહેશે અલવિદા, રાજ અનડકટના ફેન્સને લાગશે ઝટકો

મુંબઈઃ તારક મેહતા કા ઉલ્ટા ચશ્મા (Taarak Mehta Ka Ooltah Chashmah) શો દર્શકો વચ્ચે ખુબ પોપ્યુલર છે. તેની લોકપ્રિયતાનો અંદાજો તે વાતથી લગાવી શકાય કે આ શો ટીવી પર ઘણા વર્ષથી ટેલિકાસ્ટ થઈ રહ્યો છે, પરંતુ તે ટીઆરપી લિસ્ટ (TRP List) માં હંમેશા પોતાની જગ્યા બનાવવામાં સફળ રહે છે. પરંતુ છેલ્લા કેટલાક વર્ષથી આ શોમાં ઘણા ફેરફાર જોવા મળ્યા છે. તેના ઘણા એક્ટરોએ શોને અલવિદા કહ્યું છે અને હવે આ લિસ્ટમાં વધુ એક પાત્ર જોડાયું છે. આ કોઈ અન્ય નહીં પરંતુ જેઠાલાલ (Jethalal) એટલે કે દિલીપ જોશી (Dilip Joshi) ના ઓનસ્ક્રીન પુત્ર ટપ્પૂ (Tapu) નું પાત્ર ભજવનાર રાજ અનડકટ છે. 

જી હાં, તારક મેહતા કા ઉલ્ટા ચશ્મા સીરિયલની ફેમેલીમાંથી હવા રાજ અનડકટ પણ બહાર થવાનો છે. તે જલદી પોતાના ભાગનું શૂટિંગ પૂરુ કરી લેશે. આ સમાચાર સાંભળી રાજના ફેન્સને મોટો ઝટકો લાગશે. 

ક્રિસમસ પહેલાં પૂરુ કરી લેશે શૂટિંગ
શોના સૂત્રો પાસેથી પ્રાપ્ત માહિતી પ્રમાણે રાજ છેલ્લા કેટલાક સમયથી શો છોડવાના નિર્ણય પર વિચર કરી રહ્યો છે અને તેણે પ્રોડક્શન હાઉસ સાથે વાત પણ કરી હતી. પરંતુ હજુ કંઈ ફાઇનલ થયું નથી. રાજનો કોન્ટ્રાક્ટ રિન્યૂ થવાનો હતો પરંતુ અંતમાં એક્ટરે અને પ્રોડક્શન હાઉસે તેને આગળ ન વધારવાનો નિર્ણય લીધો. તેણે શો છોડવાનો નિર્ણય લીધો છે. તે પણ જાણવા મળી રહ્યું છે કે ક્રિસમસ પહેલાં તે પોતાનું શૂટિંગ પૂરુ કરી લેશે. 

બબીતા જી સાથે અફેરની હતી ચર્ચા
થોડા મહિના પહેલાં રાજનું નામ શોમાં બબીતા જીની ભૂમિકા ભજવનાર અભિનેત્રી મુનમુન દત્તા સાથે જોડાયું હતું. બંનેના અફેરની ખુબ ચર્ચા થઈ હતી. બંનેને ટ્રોલ પણ કરવામાં આવ્યા હતા. ત્યારબાદ રાજે આ મામલા પર પોતાની પ્રતિક્રિયા આપી હતી.