નવી દિલ્હી: રણબીર કપૂર અને આલિયા ભટ્ટના લગ્નના દિવસ ધીમે ધીમે નજીક આવી રહ્યા છે. બંને ખૂબ જલદી એકબીજાના થઇ જશે. મીડિયા રિપોર્ટ્સનું માનીએ તો કપલ 14 એપ્રિલના રોજ લગ્નના બંધનમાં બંધાઇ જશે. લગ્ન પહેલાં આલિયા અને રણબીરનો એક ફોટો સામે આવ્યો છે જેમાં બંને એકબીજાની બાહોમાં જોવા મળી રહ્યા છે. 


COMMERCIAL BREAK
SCROLL TO CONTINUE READING

પોસ્ટરમાં રોમેન્ટિક જોવા મળ્યા આલિયા-રણબીર
જોકે લગ્ન પહેલાં આલિયા અને રણબીરની ફિલ્મ 'બ્રહ્માસ્ત્ર' નું નવું પોસ્ટર રિલીઝ કરવામાં આવ્યું છે, જેમાં બંનેની ઇંટીમેન્ટ કેમિસ્ટ્રી જોવા મળી રહી છે. ફોટામાં જોઇ શકાય છે કે રણબીર અને આલિયા એકબીજાને હગ કરી રહ્યા છે. આલિયાના હાથ અને રણબીરના ચહેરા પર ઇજાના નિશાન જોવા મળી રહ્યા છે. આલિયાએ ઇંસ્ટાગ્રામ એકાઉન્ટ પર આ પોસ્ટરને શેર કર્યો છે, જેને ખૂબ પસંદ કરવામાં આવી રહ્યો છે. તેમણે કેપ્શનમાં લખ્યું 'લવ ઔર લાઇટ'. 



પાંચ વર્ષમાં કમ્પ્લીટ થયું ફિલ્મનું શૂટિંગ
અત્રે ઉલ્લેખનીય છે કે ગત 29 માર્ચના રોજ આલિયા અને રણબીરે આ ફિલ્મનું શૂટિંગ પુરૂ કર્યું  છે, જે 5 વર્ષ પહેલાં શરૂ થયું હતું. આ જાણકારી ફિલ્મ ડાયરેક્ટર અયાન મુખર્જીએ ફેન્સ સાથે શેર કરી હતી. 'બ્રહ્માસ્ત્ર' આલિયા અને રણબીરની સાથે પહેલી ફિલ્મ છે. આ ફિલ્મની જાહેરાત સાથે આલિયા અને રણબીરની ડેટિંગના સમાચાર શરૂ થયા છે. જોકે હવે બંને આ સંબંધને લગ્નમાં બદલવા જઇ રહ્યા છે. આ ફિલ્મ 9 સપ્ટેમ્બર 2022 ના રોજ સિનેમાઘરમાં રિલીઝ થશે. 


નીતૂ સાથે લગ્નની તૈયારીમાં વ્યસ્ત છે આલિયા
તાજેતરમાં પિંકવિલાએ પોતાના એક રિપોર્ટમાં જણાવ્યું કે લગ્નની તમામ તૈયારીઓ આલિયા ભટ્ટ પોતાના બાંદ્રાવાળા ઘરેથી કરી રહી છે અને આ કામમાં નીતૂ કપૂર તેમનો સાથ આપી રહી છે. તો બીજી તરફ રણબીર શૂટિંગમાં વ્યસ્ત છે. રિપોર્ટ અનુસાર રણબીર કપૂર હાલમાં લવ રંજનની આગામી ફિલ્મનું શૂટિંગ કરી રહ્યા છે. તે અત્યારે આરે કોલોની, ગોરેગાંવમાં છે. સોર્સના જણાવ્યા અનુસાર રણબીર કપૂર વેસ્ટિન હોટલમાં ગત બે દિવસથી રોકાયા છે અને લગ્ન પહેલાં પોતાના વર્ક કમિટમેન્ટ્સ પુરા કરી રહ્યા છે. તો બીજી તરફ રણબીરની થનારી દુલ્હન આલિયા અને માતા લગ્નના બધા કામ જોઇ રહ્યા છે. 


લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube