Congartulations! દીપિકા અને રણવીરના વિવાહ સંપન્ન પણ ચાહકો મળી મોટી નિરાશા કારણ કે...

નવી દિલ્હી : બોલિવૂડની 'મસ્તાની' દીપિકા પાદુકોણને આખરે પોતાનો પ્રેમ મળી ગયો છે. દીપિકા અને રણવીર આખરે ઇટાલીમાં લગ્નના બંધનમાં બંધાઈ ગયા છે. દીપિકા અને રણવીરે લેક કોમો ખાતે કોંકણી રિવાજથી લગ્ન કરી લીધા છે. 15 નવેમ્બરે આ જોડીના લગ્ન સિંધી રિવાજ પ્રમાણે થશે. 

મળતી માહિતી પ્રમાણે આજના લગ્નમાં દીપિકાએ કોંકણ સફેદ અને ગોલ્ડન સાડી પહેરી છે. આ જોડીએ પોતાના લગ્નને સંપૂર્ણ પ્રાઇવેટ રાખ્યા છે જેના કારણે લગ્નની એક પણ તસવીર જાહેર નથી થઈ. આ લગ્નની એકપણ તસવીર જાહેર ન થઈ હોવાના કારણે રણવીર અને દીપિકાના ચાહકો ભારે હતાશ થયા છે. હકીકતમાં રણવીર અને દીપિકા પોતે લગ્નની પહેલી તસવીર શેયર કરવા માગે છે એટલે આ પગલાં લેવામાં આવ્યા છે. 

લગ્ન પછી રણવીર અને દીપિકાના ખાસ મિત્ર કરણ જોહરે આ જોડીને વધામણા આપ્યા છે. કરણ જોહરના આ ટ્વીટને જોડીના ચાહકોએ ઉત્સાહથી વધાવી લીધું છે.