રિયા ચક્રવર્તીના ફિલ્મી કરિયરનું `THE END`, નિર્દેશકોએ લેવાની ચોખ્ખી ના પાડી દીધી...

ઝી મીડિયા/બ્યૂરો :બોલિવુડ એક્ટર સુશાંત સિંહ રાજપૂત (Sushant Singh Rajput Death case) ના નિધનથી સમગ્ર દેશ હચમચી ઉઠ્યું છે. આ સ્યૂસાઈડ કેસમાં લોકો દિવંગત અભિનેતાની ગર્લફ્રેન્ડ રિયા ચક્રવર્તી (Reha Chakraborty) પર અનેક આરોપ લગાવી રહ્યાં છે. પોલીસ અને ઈડીએ પણ અનેકવાર રિયાની પૂછપરછ કરી છે. હવે એવુ લાગી રહ્યું છે કે, રિયાનું ફિલ્મી કરિયર એકદમ ખત્મ થવાનું છે. સૂત્રોના જણાવ્યા અનુસાર, રિયાના ફ્યૂચર પ્રોજેક્ટ્સ પર પણ ખતરો મંડરાઈ રહ્યો છે. 

ફિલ્મકાર લોમ હર્ષ પોતાની આગામી ફિલ્મમાં રિયા ચક્રવર્તીને લેવાનું પ્લાનિંગ કરી રહ્યા હતા. પરંતુ હવે એવું નહિ કરાય. તેમનું એવુ માનવુ છે કે, હાલની પરિસ્થિતિમાં દિવંગત અભિનેતા સુશાંત સિંહ રાજપૂતની ગર્લફ્રેન્ડને કાસ્ટ કરવાથી અભિનેતાના પ્રશંસકોની ભાવના દુભાવી શકે છે.