રિશી કપૂરે આપી મોટી સલાહ, લાગુ પડે છે ભારતના દરેક માતા-પિતાને

નવી દિલ્હી : બોલિવૂડ અભિનેતા રિશી કપૂર (Rishi Kapoor) સોશિયલ મીડિયામાં બહુ એક્ટિવ રહે છે. થોડા સમય પહેલાં જ ન્યૂયોર્કથી સારવાર કરાવીને પરત ફરેલા રિશી કપૂર અનેક મુદ્દાઓ પર પોતાનો સ્પષ્ટ અભિપ્રાય આપવા માટે જાણીતા છે. રિશી કપૂરે હવે બાળકોના 'નિક નેમ' મામલે ટ્વીટ કર્યું છે. તેમણે કહ્યું છે કે મને મારી ઓળખ મેળવવા બહુ મહેનત કરવી પડી હતી. રિશીએ સલાહ આપતા કહ્યું છે કે બાળકોના ક્યારેય નિક નેમ ન રાખવા જોઈએ. 

રિશી કપૂરે એક તસવીર પણ શેયર કરી છે જેમાં તેણે એક કેપ પહેરી છે જેના પર લખ્યું છે ચિંટુ. હકીકતમાં રિશી કપૂરનું નિક નેમ ચિંટુ છે. 

રિશી કપૂરે બોલિવૂડમાં બાળ કલાકાર તરીકે ફિલ્મ મેરા નામ જોકરથી શરૂઆત કરી હતી. આ પછી તેમણે બોબી, નગીના, પ્રેમગ્રંથ, હિના, કર્ઝ, દીવાના, અમર અકબર એન્થોની, દામિની, બોલ રાધા  બોલ, સરગમ, કભી કભી, નસીબ, સાગર, હમ કિસી સે કમ નહીં, દરાર અને લવ આજ કલ જેવી શાનદાર ફિલ્મોમાં કામ કર્યું છે.