ન્યૂયોર્કમાં ઇલાજ કરાવી રહેલા રિશી કપૂરનો પહેલો VIDEO આવ્યો સામે, જોવા કરો ક્લિક

નવી દિલ્હી : રિશી કપૂર હાલમાં ન્યૂયોર્કમાં છે અને પોતાની બીમારીનો ઇલાજ કરાવી રહ્યો છે. હાલમાં રિશી કપૂરનો ન્યૂયોર્કનો વીડિયો સામે આવ્યો્ છે જેમાં તે અનુપમ ખેર સાથે ન્યૂયોર્કની ગલીઓમાં ફરી રહ્યો છે. 

અનુપમ ખેરે પણ આ વીડિયો ઈન્સ્ટાગ્રામ પર શેર કરતાં લખ્યું કે, “ડિયર રિશી કપૂર, મેનહટ્ટનની ગલીઓમાં તારી સાથે ફરવાનું અને સમય વિતાવવાનું ખૂબ ખાસ રહ્યું. તારી સાથે વાતો કરવામાં ખૂબ મજા આવે છે. ભારત, ન્યૂયોર્ક અને ફિલ્મોના જાદૂ તેમજ જિંદગીમાં આવેલી સ્થિરતા વિશે વાત કરીને મજા આવી.”

રિશી કપૂરે પણ પોતાના ટ્વિટર એકાઉન્ટ પર આ વીડિયો શેયર કર્યો છે. તેણે લખ્યું છે કે,'' 'ખેર-ફ્રી' કે 'કેયર ફ્રી' મેડિસન એવન્યૂમાં સાથી અને જૂના મિત્ર અનુપમ ખેર સાથે.''