`બાગી 3`ના પહેલા પોસ્ટરે રિલીઝ થતાની સાથે જ સર્જ્યું જબરદસ્ત સસ્પેન્સ
બાગી 2ના ગીતો આજે પણ લોકોના હ્રદય પર રાજ કરી રહ્યાં છે. પહેલી ફિલ્મ હીરો બાદથી જ એક્શન સ્ટાર ગણાતો ટાઈગર શ્રોફ આ ફિલ્મમાં પણ તેના આક્રમક મૂડમાં જોવા મળ્યો હતો.
નવી દિલ્હી: બાગી 2ના ગીતો આજે પણ લોકોના હ્રદય પર રાજ કરી રહ્યાં છે. પહેલી ફિલ્મ હીરો બાદથી જ એક્શન સ્ટાર ગણાતો ટાઈગર શ્રોફ આ ફિલ્મમાં પણ તેના આક્રમક મૂડમાં જોવા મળ્યો હતો. આ ફિલ્મથી ટાઈગરે લોકોને પોતાની એક્શન પાછળ પાગલ કરી નાખ્યા હતાં. જો કે હવે તેની નવી ફિલ્મ બાગી 3 આવી રહી છે. બાગી 3નું શુટિંગ બહુ જલદી શરૂ થવા જઈ રહ્યું છે. પરંતુ અહીં લોકોના મનમાં જે ઉત્સુક્તા છે તે દિશા પટણી અંગે છે. ફિલ્મમાં દિશા હશે કે નહીં તે અંગે હજુ સુધી કોઈ જાણકારી આપવામાં આવી નથી.
બુધવારે સવાર સવારમાં જ બાગીનું પહેલુ પોસ્ટર રિલીઝ થઈ ગયું. ટ્રેન્ડ એનાલિસ્ટ તરણ આદર્શે આ પોસ્ટર શેર કરીને ફિલ્મ અંગે જાણકારી આપી. તેમણે જણાવ્યું કે ફોક્સ સ્ટાર સ્ટુડિયો સાજિદ નડિયાદવાલા અને ટાઈગર શ્રોફ સાથે ફરી એક વાર ભેગા થઈ રહ્યાં છે.