આ તારીખે રિલીઝ થશે સલમાન ખાનની ફિલ્મ ટાઈગર 3 નું ટ્રેલર, તોડશે જવાન અને પઠાનનો રેકોર્ડ

Tiger 3 Trailer: બોલીવુડ સુપરસ્ટાર સલમાન ખાન તેની આવનાર ફિલ્મ ટાઈગર 3 ને લઈને ચર્ચામાં છે. થોડા સમય પહેલા જ સલમાન ખાનની આ ફિલ્મનું એક ટીઝર રિલીઝ થયું હતું જેના કારણે હવે લોકોમાં આ ફિલ્મનું ટ્રેલર જોવાની આતુરતા વધી છે. છેલ્લા ઘણા સમયથી ફેન્સ રાહ જોઈ રહ્યા છે કે ક્યારે તેમને ટાઈગર 3ની ઝલક જોવા મળશે. 

સલમાન ખાનની ફિલ્મ ટાઈગર 3 આ વર્ષે દિવાળી પર રિલીઝ થશે. ત્યારે ફિલ્મ મેકર્સ દ્વારા ટાઈગર 3 ના ટ્રેલરની રિલીઝ ડેટ પણ જાહેર કરી દેવામાં આવી છે. ટાઈગર 3 નું ટ્રેલર 16 ઓક્ટોબર 2023 ના રોજ રિલીઝ કરવામાં આવશે.

આ પણ વાંચો:

સલમાન ખાન અને કેટરીના કેફ ની ફિલ્મ ટાઈગર 3 ની લોકો આતુરતાથી રાહ જોઈ રહ્યા છે. તેવામાં યશરાજ ફિલ્મ્સ દ્વારા તેના ઓફિસિયલ ટ્વીટર પર ટાઈગર 3 ફિલ્મના ટ્રેલર અંગે અપડેટ શેર કરવામાં આવ્યું છે. ટ્વીટમાં લખવામાં આવ્યું છે કે ટાઈગર 3 નું ટ્રેલર 16 ઓક્ટોબરના રોજ રિલીઝ થશે. દિવાળી પર ટાઈગર 3 સિનેમા ઘરોમાં હિન્દી, તમિલ અને તેલુગુ ભાષામાં રિલીઝ થશે. 

મનીષ શર્માના ડાયરેક્શનમાં બનેલી સલમાન ખાન અને કેટરીના કેફની ફિલ્મ ટાઈગર 3નું ટીઝર જોઈને લોકોમાં ભારે ઉત્સાહ છવાયો હતો. તેવામાં જ્યારથી ટ્વીટર પર ટ્રેલરની રિલીઝ ડેટ જાહેર કરવામાં આવી છે ત્યારથી ફેન્સ એવું પણ કહી રહ્યા છે કે ટાઈગર 3 પઠાણ અને જવાનનો રેકોર્ડ તોડી નાખશે.