મોડેમોડેથી પણ Salman Khanએ આપી પાર્ટી, આ હોટ હસીનાની હાજરી બની ચર્ચાસ્પદ

મુંબઈ : બોલિવૂડ સ્ટાર સલમાન ખાન (Salman Khan)નો જન્મદિવસ દર 27 ડિસેમ્બરના દિવસે તેના પનવેલના ફાર્મહાઉસ ખાતે ધામધૂમથી ઉજવવામાં આવે છે. જોકે, આ વર્ષે સલમાનના જન્મદિવસે બહેન અર્પિતા ખાન શર્માએ દીકરી આયતને જન્મ આપ્યો હતો અને આ દિવસે પરિવાર નવા મહેમાનના આગમનની ઉજવણીમાં વ્યસ્ત હતો. જોકે સલમાને મોડેથી પણ જન્મદિવસની પાર્ટીના બદલે ખાસ ન્યૂ યરની પાર્ટી આપી હતી. આ પાર્ટી પછી નવા વર્ષની સવારે સલમાનના પનવેલમાં મહેમાનોની હાજરી જોવા મળી હતી જેમાં એક્સ ગર્લફ્રેન્ડ સંગીતા બિજલાનીની હાજરી ચર્ચાસ્પદ સાબિત થઈ છે. આ ફાર્મહાઉસ પર સંગીતા સિવાય વર્ધા નડિયાદવાલા અને ડેઇઝી શાહ પણ જોવા મળ્યા છે. 

સલમાનના અંગત જીવનની વાત કરીએ તો એ જ્યારે 19 વર્ષનો હતો ત્યારથી છોકરીઓને ડેટ કરતો હતો. 19 વર્ષની ઉંમરે સલમાન એક્ટર અશોક કુમારની પૌત્રી શાહીન જાફરીને ડેટ કરી રહ્યા હતા. શાહીનને મળવા માટે સલમાન કલાકો સુધી તેની કોલેજની બહાર રાહ જોતો હતો. આ લવ સ્ટોરી એ સમયની છે જ્યારે સલમાન ફિલ્મોમાં કામ પણ નહોતો કરતો અને તે મુંબઈની સેન્ટ ઝેવિયર કોલેજમાં સેકન્ડ યરનો સ્ટૂડન્ટ હતો. એવું પણ કહેવાય છે કે સલમાન ખાને શાહીનની મુલાકાત તેના પરિવાર સાથે પણ કરાવી હતી. બંનેનો પરિવાર આ સંબંધ માટે તૈયાર હતો. જોકે, વાત આગળ વધે એ પહેલાં જ સલમાનનું બ્રેક અપ થઈ ગયું હતું. એવું કહેવાય છે કે, સલમાન અને શાહીનના સંબંધો વચ્ચે સંગીતા બિજલાની આવી ગઈ હતી અને તેના કારણે તેમનું બ્રેકઅપ થઈ ગયું હતું. સલમાન અને શાહીન મોટાભાગે હોટલ 'સી રૉક'ના હેલ્થ ક્લબમાં જતા હતા. આ જ ક્લબમાં જ સંગીતા બિજલાની પણ આવતી હતી. એ દિવસોમાં સંગીતાનું તેના બોયફ્રેન્ડ બિંજૂ અલી સાથે બ્રેકઅપ થયું હતું. આ દરમિયાન તે સલમાનની વધુ નજીક આવી ગઈ અને શાહીન સાથે સલમાનનું અંતર વધતું ગયું અને આ રીતે સલમાન અને શાહીનના સંબંધનો અંત આવ્યો હતો.