માતા અમૃતા સાથે સારા રાતોરાત પહોંચી દહેરાદુન કારણ કે...

દહેરાદુન : ફિલ્મ અભિનેત્રી સારા અલી ખાન માતા અમૃતા સિંહ સાથે પોતાના મામાની શોકસભામાં શામેલ થવા માટે દહેરાદુન પહોંચી છે. શોકસભામાં હાજરી આપ્યા પછી તે દેહરાદુનના થાણા ક્લેમેંટ ટાઉન પહોંચી હતી. સારા અને અમૃતાએ પોલીસમાં ફરિયાદ કરી છે સારાના મામા દહેરાદુનમાં એકલા રહેતા હતા અને અહીં તેમની કરોડોની રૂપિયાની જમીન છે. 

સારા અને અમૃતાને ડર છે કે તેમની આ ખાલી જમીન પર ભૂ માફિયાઓ કબજો કરી શકે છે. સારા અને અમૃતાએ પોલીસને અરજી કરી છે કે આ પ્રોપર્ટીને ભૂ માફિયાથી બચાવવામાં આવે. 

અમૃતા સિંહના ભાઈ મધુસુદન બિમલનું શનિવારે સવારે કેન્સરના કારણે ક્લેમેંટ ટાઉન ખાતે આવેલા નિવાસમાં દેહાંત થઈ ગયું હતું. તેમની અંતિમ ક્રિયામાં શામેલ થવા માટે સારા અને અમૃતા દહેરાદુન પહોંચ્યા હતા. આ પછી તેમણે પોલીસને અરજી કરવાનો નિર્ણય લીધો હતો.