શાહરૂખ ખાન લાવી રહ્યો છે ખુદની ઓટીટી એપ SRK+, સોશિયલ મીડિયા પર કરી જાહેરાત

નવી દિલ્હીઃ શાહરૂખ ખાન લાંબા સમયથી ફિલ્મોથી દૂર છે. પડદા પર અભિનેતાને જોવા માટે ફેન્સ આતુર છે. આ વચ્ચે શાહરૂખ ખાને એક મોટી ખુશખબર આપી છે. વર્તમાનમાં જ્યારે બોલીવુડના મોટા-મોટા સ્ટાર ઓટીટી પર કામ કરતા જોવા મળી રહ્યાં છે, ત્યારે કિંગ ખાને પોતાની સ્ટાઇલમાં ઓટીટી એપ લોન્ચની જાહેરાત કરી છે. મંગળવારે શાહરૂખ ખાને સોશિયલ મીડિયા પર એક પોસ્ટર શેર કર્યુ, જેના પર તેની તસવીર છે. તેના પર લખ્યુ છે 'SRK+ કમિંગ સૂન, શાહરૂખે કેપ્શનમાં લખ્યુ- કંઈક થવાનું છે, ઓટીટીની દુનિયામાં. પરંતુ એક્ટરે પોતાની પોસ્ટ પર ખાસ કરીને કંઈ લખ્યુ નહીં પરંતુ સલમાને શુભેચ્છા આપતા આ રાઝ પરથી પડદો ઉઠાવી લીધો છે.