લાગ્યો હતો સેક્સ રેકેટમાં શામેલ હોવાનો ખોટો આરોપ, લગ્નના ગણતરીના મહિનાઓમાં કરી પતિથી અલગ થવાની જાહેરાત

નવી દિલ્હી :  'મકડી' અને 'ઇકબાલ' ફિલ્મથી બાળ કલાકાર તરીકે ચર્ચામાં આવેલી શ્વેતા બસુ પ્રસાદે (Shweta Basu Prasad) 2018માં રોહિત મિત્તલ (Rohit Mittal) સાથે લગ્ન કર્યા હતા. હવે શ્વેતાએ સોશિયલ મીડિયામાં જાણકારી આપી છે કે તે અને રોહિત અલગ થઈ રહ્યા છે. 

ભૂતકાળમાં શ્વેતા બાસુનું નામ હૈદરાબાદના બંજારા હિલ્સમાં ચાલી રહેલા સેક્સ રેકેટમાં સંડોવાયું હતું. એ સમયે શ્વેતા લગભગ 2 મહિના સુધી રેસ્ક્યુ હોમમાં રહી હતી. જોકે એ સમયે હૈદરાબાદ સેશન્સ કોર્ટે તેને ક્લિન ચીટ આપી હતી. એ સમયે શ્વેતાએ મીડિયામાં જણાવ્યું હતું કે જે ફેમસ હોય છે તેણે વિવાદોનો પણ સામનો કરવો પડે છે. આ પ્રકારની પરિસ્થિતિને કારણે પર્સનલ લાઇફ પર એની અસર ન પડવી જોઈએ.