આ બનશે અનિલ કપૂરનો લેટેસ્ટ જમાઈ, સોનમે ખોલી નાખ્યો નાની બહેનની લવસ્ટોરીનો ચિઠ્ઠો

મુંબઈ : સોનમ કપૂર અને અનિલ કપૂરને ચમકાવતી ફિલ્મ 'એક લડકી કો દેખા તો ઐસા લગા...' આજે રિલીઝ થઈ છે અને ફિલ્મને સારા રિવ્યુ મળ્યા છે. હાલમાં એક ઇન્ટરવ્યૂ દરમિયાન સોનમે પોતાની નાની બહેન રિયાના પ્રેમપ્રકરણનો ખુલાસો કરી દીધો છે. Zoom ટીવીને આપેલા ઇન્ટરવ્યૂમાં સોનમે જણાવ્યું છે કે રિયા અને કરણ બુલાની છેલ્લા 10 વર્ષથી ડેટિંગ કરી રહ્યા છે અને તેને તેમના લગ્નનો નિર્ણય સાંભળીને ચોક્કસ આનંદ થશે. જોકે મને નથી લાગતું કે તેઓ આ વર્ષે પણ લગ્ન કરે. 

કરણ એક ફિલ્મ દિગ્દર્શક છે. તેણે ‘આયેશા’ અને ‘વેક અપ સિદ’ માં સહાયક દિગ્દર્શક તરીકે કામ કર્યું છે. વધુમાં, તેણે શોર્ટ ફિલ્મ ‘ધ ઓડિશન’નું નિર્દેશન કર્યું હતું. આ ઉપરાંત તે ટીવી શોના પ્રોડક્શન ટીમનો પણ ભાગ છે. એવું કહેવાય છે કે અનિલ કપૂર કરણને ખૂબ પસંદ કરે છે.