શાહરૂખ અને સલમાનની `ઇશ્કબાજી`એ ઇન્ટરનેટ પર મચાવી ધૂમ

નવી દિલ્હી : સલમાન ખાન અને શાહરૂખ ખાનના ચાહકોની સંખ્યા ઘણી વધારે છે. આ ચાહકો લાંબા સમયથી આ બે સુપરસ્ટાર્સને સાથે જવા માગતા હતા અને હવે તેમની ઇચ્છા પુરી થઈ છે. હાલમાં આનંદ એલ. રાયની ફિલ્મ 'ઝીરો'નું ગીત 'ઇશ્કબાજી' રિલીઝ થયું છે. આ ગીતમાં શાહરૂખ અને સલમાનની ધમાલ જોવા મળી છે અને આ ગીત ઇન્ટરનેટ પર રાતોરાત સુપરહિટ સાબિત થયું છે.

દર્શકોને આ ગીત એટલું પસંદ પડ્યું છે કે રિલીઝના કલાકો પછી આ ગીત યુ ટ્યૂબ પર ટ્રેન્ડિંગ લિસ્ટમાં આવી ગયું હતું. આ ગીતને રિલીઝના લગભગ 40 કલાક પછી લગભગ અઢી કરોડ જેટલા વ્યૂ મળી ચૂક્યા હતા.