AIIMSના રિપોર્ટથી નાખુશ સુશાંતના પરિવારે CBI ડાયરેક્ટરને કહ્યું- નવી ફોરેન્સિક ટીમ કરે તપાસ

નવી દિલ્હીઃ સુશાંત સિંહ રાજપૂત કેસમાં તપાસ કરી રહેલી એમ્સની ફોરેન્સિક નિષ્ણાંતોની ટીમે પોતાનો રિપોર્ટ સીબીઆઈને સોંપી દીધો છે. ટીમે ફાઇનલ રિપોર્ટમાં જણાવ્યું કે, સુશાંતનું મોત આત્મહત્યાને કારણે થયું છે. પરંતુ સુશાંતનો પરિવાર આ વાત માનવાથી ઇનકાર કરી રહ્યો છે. 

સુશાંતના પરિવારના વકીલ વિકાસ સિંહે બુધવારે પત્રકાર પરિષદ કરી કહ્યુ- મેં સીબીઆઈ ડાયરેક્ટરને પત્ર લખ્યો છે અને મામલાની તપાસ નવી ફોરેન્સિક ટીમ પાસે કરાવવાની માગ કરી છે. 

કૂપર હોસ્પિટલના રિપોર્ટસને જુએ નવી ટીમ
સિંહે આગળ કહ્યુ, 'નવી ટીમ કૂપર હોસ્પિટલે બનાવેલા રિપોર્ટસને જુએ અને જણાવે કે કૂપર હોસ્પિટલનો અભિપ્રાય યોગ્ય છે કે નહીં. નવી ટીમ જુએ કો સુશાંતનું મોત આત્મહત્યા છે કે મર્ડર છે કે તેનું ગળુ દાબી દેવામાં આવ્યું છે.'