જન્મદિવસે હૃતિકને એક્સ પત્નીએ કર્યો પ્રેમથી તરબોળ મેસેજ, વાંચવા કરો ક્લિક

મુંબઈ : 10 જાન્યુઆરી, 1974ના દિવસે જન્મેલો બોલિવૂડ હૃતિક રોશન આજે 45 વર્ષનો થઈ ગયો છે. તેના બર્થ ડે નિમિત્તે તેની એક્સ પત્ની સુઝેન ખાને તેને સૌથી પહેલા વિશ કર્યું હતું. સુઝેને હૃતિક સાથે પુત્રો રેહાન અને રિદાનના ફોટોઝ પણ શેર કર્યા છે. સાથે તેણે હૃતિક માટે એક ઈમોશનલ મેસેજ પણ આપ્યો છે. હૃતિક અને સુઝેને તેમના બાળકો માટે સરસ ઉદાહરણ પૂરુ પાડ્યું છે. તે જીવનના દરેક તબક્કે બાળકોના પડખે સાથે ઊભા રહે છે. આટલું જ નહિ, સાથે વેકેશન પર પણ જાય છે.

વર્ષ 2016માં હૃતિક રોશન અને સુઝેન ખાન પોતાના બ્રોકન મેરેજ અને ડિવોર્સને કારણે ખૂબ ચર્ચામાં રહ્યાં હતા. આ બંનેએ આંતરિક સમજૂતીથી 2016માં ડિવોર્સ લીધાં હતાં. હૃતિક અને સુઝાન બોલિવૂડના સુપર ક્યૂટ કપલમાંના એક હતા અને તેમના ડિવોર્સની ખબરથી ફિલ્મ ઇન્ડસ્ટ્રીમાં ઘણા લોકોને આઘાત લાગ્યો હતો. જો કે, ડિવોર્સ બાદ પણ આ બંન્નેએ ખૂબ સમજૂતીપુર્વક ફ્રેન્ડલી રિલેશન મેઇન્ટેન કર્યા છે.