Swara Bhaskar: `ભાઈ`થી પતિ બન્યો ફહદ અહમદ, સ્વરા ભાસ્કરનું 14 દિવસ જૂનું ટ્વીટ થયું વાયરલ

મુંબઈઃ Swara Bhaskar Married બોલિવૂડ અભિનેત્રી સ્વરા ભાસ્કરે ગુરુવારે (16 ફેબ્રુઆરી) જાહેરાત કરી હતી કે તે લગ્નના બંધનમાં બંધાઈ ગઈ છે. તેણે સમાજવાદી પાર્ટીના નેતા ફહાદ અહેમદ સાથે લગ્ન કર્યા. બંનેએ કોર્ટ મેરેજ કર્યા હતા. 'વીરે દી વેડિંગ' અભિનેત્રીએ તેના સોશિયલ મીડિયા એકાઉન્ટ્સ પર ફહાદ અહેમદને ટેગ કરીને આ વાત શેર કરી છે. ફહાદ અહેમદ સમાજવાદી પાર્ટીની યુવા પાંખ સમાજવાદી યુવા સભાના પ્રદેશ અધ્યક્ષ છે.

સ્વરા ભાસ્કરે પોતાના પતિ સાથેનો એક વીડિયો શેર કરતા લખ્યું કે, ક્યારેક તમે તમારી બાજુમાં હોય તેવી કોઈ વસ્તુને દૂર દૂર સુધી શોધો છો. અમે પ્રેમની શોધમાં હતા, પરંતુ અમને પહેલા મિત્રતા મળી અને પછી અમે એકબીજાને શોધી કાઢ્યા. મારા હૃદયમાં ફહાદ ઝિરાર અહેમદનું સ્વાગત છે. આ દિલમાં હલચલ છે, પણ તારા માટે.

અભિનેત્રી (34) ની પોસ્ટને શેર કરતા 31 વર્ષીય ફહાદ અહમદે લખ્યુ- મને ક્યારેય ખબર નહોતી કે હલચલ આટલી સુંદર હોઈ શકે છે સ્વરા ભાસ્કર. સ્વરા ભાસ્કર છેલ્લે કોમેડી ફિલ્મ જહાં ચાર યાર (2022) માં જોવા મળી હતી.