રિયા ચક્રવર્તીના ઊંચા ઊંચા શેખચીલ્લી સપનાનો આ વીડિયો જોઈને તમને ગુસ્સો આવી જશે

ઝી મીડિયા/બ્યૂરો :બોલિવુડના ફેમસ એક્ટર સુશાંતસિંહ રાજપૂત (Sushant Singh Rajput) ના સ્યૂસાઈડ બાદથી તેમની ગર્લફ્રેન્ડ રિયા ચક્રવર્તી (Rhea Chakraborty) શંકાના દાયરામાં આવી છે. લોકો સતત રિયા ચક્રવર્તીને સોશિયલ મીડિયા પર ટ્રોલ કરી રહ્યાં છે. હાલમાં જ સુશાંતના પરિવાર દ્વારા પટનામાં રિયાની વિરુદ્ધ એફઆઈઆર દાખલ કરાયા બાદ, રિયાની મુશ્કેલીઓ વધી ગઈ છે. આ મામલામાં બિહાર પોલીસની એક ટીમ પણ રિયાની પૂછપરછ કરવા માટે મુંબઈ પહોંચી ગઈ હતી. પરંતુ રિયા પોતાના ઘરે મળી ન હતી. બાદમાં રિયા દ્વારા સુપ્રિમ કોર્ટમાં એક અરજી દાખલ કરીને માંગ કરવામાં આવી છે કે, બિહારમાં દાખલ કરવામાં આવેલી એફઆઈઆરમાં પોલીસની કાર્યવાહી પર પ્રતિબંધ મૂકવામાં આવે અને બિહારથી મુંબઈ ટ્રાન્સફર કરવામાં આવે. આ મામલામાં આજે સુપ્રિમ કોર્ટમાં સુનવણી પણ થવાની છે.