શ્રદ્ધા કપૂરની માસીના ન્યૂડ સીનને જોવા માટે બ્લેકમાં વેચાઈ હતી ટિકીટ

ઝી મીડિયા/બ્યૂરો :બોલિવુડ એક્ટ્રેસ પદ્મીની કોલ્હાપુરે (Padmini Kolhapure) એ લાંબા સમયના બ્રેક બાદ બોલિવુડમાં વાપસી કરી છે. પદ્મીની કોલ્હાપુરેએ લગભગ છ વર્ષ પહેલા શાહીદ કપૂરની ફિલ્મ ‘ફટા પોસ્ટર નિકલા હીરો’ ફિલ્મમાં કામ કર્યું હતું. હાલમાં જ તે સંજય દત્ત, અર્જુન કપૂર (Arjun Kapoor) અને કૃતિ સેનન સ્ટારર ફિલ્મ ‘પાનીપત’માં નજર આવી હતી. જોકે, આ ફિલ્મ બોક્સ ઓફિસ પર બહુ લાંબો સમય ટકી ન શકી.

ફિલ્મમાં હતો ન્યૂડ સીન
તમને જણાવી દઈએ કે, પદ્મીનીએ બાળપણથી જ એક્ટિંગ કરવાની શરૂઆત કરી દીધી હતી. બહુ જ ઓછા સમયમાં તેમની પોપ્યુલારિટી વધવા લાગી હતી. અંદાજે 15 વર્ષની ઉંમરમાં 1980માં આવેલી ફિલ્મ ‘ગહરાઈ’માં તેમનો એક ન્યૂડ સીન હતો. આમ તો એ સમયમાં ન્યૂડ સીન કરવા બહુ જ મોટી વાત ગણાતી હતી. જે સીનને કારણે તેમનું નામ વિવાદોમાં આવી ગયું હતું. આ ફિલ્મમાં પદ્મીની પર કોઈ પ્રેત આત્માનો છાયો પડી જાય છે. એ આત્માને શરીરમાંથી કાઢવા માટે તાંત્રિકની ભૂમિકા ભજવી રહેલ અમરીશ પુરી બાળ કલાકાર પદ્મીનીના તમામ કપડા ઉતરાવી દે છે અને તેની નિર્વસ્ત્ર પૂજા કરે છે.