Trailer : સોનમની નવી ફિલ્મ છે વિવાદોનો મધપુડો, ટ્રેલર જોઈને કહેશો સાચી વાત...

નવી દિલ્હી : બોલિવૂડમાં આજકાલ અલગઅલગ કથાનકવાળી ફિલ્મો બનાવવાનો સારો ટ્રેન્ડ શરૂ થયો છે. આવું જ ફ્રેશ કથાનક લઈને આવી રહી છે સોનમ કપૂર અને રાજકુમાર રાવની 'એક લડકી કો દેખા તો એસા લગા'. આ ફિલ્મ 2019ની શરૂઆતમાં આવી રહી છે. આજે આ ફિલ્મનું ટ્રેલર લોન્ચ થયું છે. આ ફિલ્મનું ટ્રેલર જોઈને લાગે છે કે આ એક લવસ્ટોરી છે પણ હકીકતમાં એમાં મોટો વળાંક છે. હકીકતમાં સોનમ આ ફિલ્મમાં એવી છોકરીનો રોલ કરી રહી છે જે બાળપણમાં લગ્ન કરવાનું સપનું જુએ છે. તેનો પરિવાર જ્યારે તેના લગ્નની તૈયારી કરે છે ત્યારે તે બિલકુલ ખુશ નથી હોતી જેની પાછળ મોટું કારણ છે. 

આ ફિલ્મ ફિલ્મમેકર વિધુ વિનોદ ચોપડાની બહેન શૈલી ચોપડા ધર ડિરેક્ટ કરી રહી છે. ડિરેક્ટર તરીકેની તેની આ પહેલી ફિલ્મ છે. આ ફિલ્મમાં અનિલ કપૂર અને જુહી ચાવલા 9 વર્ષ પછી પડદા પર સાથે જોવા મળશે. સોનમ કપૂર અને રાજકુમાર રાવની 'એક લડકી કો દેખા તો એસા લગા' 1 ફેબ્રુઆરીએ રિલીઝ થઈ રહી છે.