આવી ગયું છે કાજોલની ફિલ્મ ‘હેલિકોપ્ટર ઈલા’નું ટ્રેલર, જોઈને પડી જશે જલ્સો

મુંબઈ : બોલિવૂડ અભિનેત્રી કાજોલનો આજે જન્મદિવસ છે. જન્મદિવસના ખાસ પ્રસંગે તેની આગામી ફિલ્મ ‘હેલિકોપ્ટર ઇલા’નું ટ્રેલર રિલીઝ કરવામાં આવ્યું છે. આ ફિલ્મ અજય દેવગણ અને ધવન જયંતીલાલ ગડા દ્વારા બનાવવામાં આવી છે અને એનું ડિરેક્શન કર્યું છે પ્રદીપ સરકારે. હેલિકોપ્ટર ઇલા  7 સપ્ટેમ્બરના રોજ રિલીઝ થઇ રહી છે. વર્ષ 2015માં આવેલી ‘દિલવાલે’ પછી કાજોલ ફિલ્મી પડદેથી ગાયબ હતી. કાજોલના ફેન્સ આતુરતાથી તેની નેક્સ્ટ ફિલ્મની રાહ જોઈ રહ્યા હતા. આ ફિલ્મમાં કાજોલ ઉપરાંત નેહા ધૂપિયા પણ જોવા મળશે.

આનંદ ગાંધીના ગુજરાતી પ્લે ‘બેટા કાગડો’ પર બની આ ફિલ્મ એક સિંગલ મધર ઇલા પર આઘારિત છે. ફિલ્મના ટ્રેલરમાં કાજોલ પોતાના પુત્ર સાથે સંપૂર્ણ જીવન જીવ્યા હોવાનું જણાય છે. જોકે પુત્ર મોટો થઇ જાય છે અને એ પછી પુત્રને તેની માતાના પ્રેમને કારણે અકળાણ થવા લાગે છે. આ ફિલ્મને ‘શિપ ઓફ થિસિસ’ના આનંદ ગાંધીએ લખી છે.