VIDEO: રિલીઝ થઈ ગયું અજય દેવગન `રેઇડ`નું ધમાકેદાર Trailer

નવી દિલ્હી : ગયા વર્ષે 'બાદશાહો' અને 'ગોલમાલ અગેઇન'માં જોવા મળેલો અજય દેવગન આ વર્ષે ફિલ્મ 'રેઇડ'થી ધમાકેદાર એન્ટ્રી કરવાનો છે. હાલમાં જ રિલીઝ થયેલું આ ફિલ્મનું પહેલું પોસ્ટ સોશિયલ મીડિયામાં છવાઈ ગયું છે અને હવે એનું ટ્રેલર સામે આવ્યું છે. 'રેઇડ'ના ટ્રેલરમાં અજય બહુ દમદાર દેખાય છે. આ ફિલ્મમાં અજય દેવગન ફરી એકવાર ઇલિયાના ડિક્રુઝ સાથે જોવા મળી રહ્યો છે. ટ્રેલરમાં અજય દેવગન લખનૌના ડેપ્યુટી કલેક્ટરના કડક તેમજ નિયમના પાકા અધિકારીના રોલમાં જોવા મળી રહ્યો છે. આ ફિલ્મમાં અજય દેવગન સામે વિલન તરીકે ઝીંક ઝીલી રહ્યા છે એક્ટર સૌરભ શુક્લા. ટ્રેલરમાં દેખાડાયું છે કે અજય વિસ્તારના બાહુબલીના ઘરમાં રેઇડ પાડવા જાય છે. આ કામ માટે તેને બહુ સતર્ક કરવામાં આવે છે પણ આમ વારંવારની ચેતવણી આપવા છતાં તે રેઇડ પાડે છે અને પછી શરૂ થાય છે અનોખો સંઘર્ષ.

આ ફિલ્મને ભુષણ કુમાર, કિશન કુમાર, કુમાર મંગત તેમજ અભિષેક પાઠકે પ્રોડ્યુસ કરી છે અને ડિરેક્ટ કરી છે રાજકુમાર ગુપ્તાએ. આ ફિલ્મ 16 માર્ચ, 2018ના દિવસે રિલીઝ થવાની છે.