બોક્સ ઓફિસ પર ઉરીનો ધમાકો, 5 દિવસમાં 50 કરોડની કમાણી

નવી દિલ્હીઃ વિક્કી કૌશલની ફિલ્મ ઉરી બોક્સ ઓફિસ પર શાનદાર કમાણી કરી રહી છે. આ ફિલ્મ ભારતીય સેનાએ કરેલી સર્જિકલ સ્ટ્રાઇક પર બની છે. ફિલ્મએ પાંચમાં દિવસે 50 કરોડનો આંકડો પાર કરી લીધો છે. 

આ ફિલ્મ માટે વિક્કી કૌશલને પણ ખૂબ પ્રશંસા મળી રહી છે, તો ફિલ્મએ પણ પોતાના દર્શકોને જોશમાં રાખ્યા છે. જમ્મૂ કાશ્મીરના ઉરીમાં 2016માં આર્મી કેમ્પ પર થયેલા આંતકી હુમલાએ દેશને હલાવી દીધું હતું. આ હુમલાનો બદલો લેવા માટે આપણા દેશની રક્ષા કરનારા સૈનિકોએ સર્જિકલ સ્ટ્રાઇક કરી હતી. જેમાં તેને સફળતા મળી હતી. આ ફિલ્મ એકવાર તે સફળતાને યાદ અપાવીને ભારતીયોનું માથુ ગર્વથી ઉંચુ કરી દે છે.