Viral Pic : જે દિકરી માટે દિશાએ તડકે મુકી દીધી કરિયર, થઈ ગઈ બે વર્ષની...જોવા કરો ક્લિક

મુંબઈ : સબ ટીવી પર આવતી લોકપ્રિય કોમેડી સીરિયલ ‘તારક મહેતા કા ઉલ્ટા ચશ્મા’માં ‘દયાબેન’નો રોલ કરીને ઘરમાં ઘરમાં જાણીતી થયેલી દિશા વાકાણી 2017ના વર્ષના સપ્ટેમ્બરથી શોમાં નજર નથી આવતી. દિશાની ગેરહાજરી વિશે જાતજાતની ચર્ચાઓ થતી રહે છે. દિશા ગણતરીના દિવસો પહેલાં શોમાં અલપઝલપ જોવા મળી હતી પણ તે હજી સંપૂર્ણપણે સક્રિય નથી. જોકે મીડિયા રિપોર્ટ પ્રમાણે, દિશા ગાંધીનગરમાં એક લગ્ન પ્રસંગે હાજરી આપવા આવી હતી અને ત્યારે તેની દીકરીની સાથે ક્લિક થઈ ગઈ હતી. 

દિશાની ગેરહાજરી વિશે ટેલિવૂડમાં ચાલી રહેલી ચર્ચા પ્રમાણે દિશાના પતિ મયુરે શરત મૂકી હતી કે દિશા માત્ર દિવસના ચાર જ કલાક શૂટ કરશે અને મહિનાના 15 જ દિવસ કામ કરશે. આ ઉપરાંત દિશાને તેની ફીમાં 100 ટકા વધારો જોઈતો હતો. જોકે પ્રોડક્શન હાઉસક એ માટે તૈયાર નથી.